11.7.13

غلغل فيي


غلغل فيي وغار عليي
وحاكيني بحب وحنيي
ولعني واوعا تطفيني
وتتركني رمّد ليليي
بحبك قول وسمعني هيي

برماد السيجارة اطفيني
بردني وبعدا دفيني
من دونك شو بتسوى سنيني
وشموعي بعدك مطفيي
بحبك قول وسمعني هيي

علحنك اوتارو لقلبي
تقسم شرقي وترقص غربي
ودقاتو بتعيش بغربي
من دون صوتك يا عينيي
بحبك قول وسمعني هيي
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)