22.3.13

بدّي اغفى ع ايديكي


بدّي اغفى ع ايديكي ما تنسي تضمّيني ليكي

بحنان تغفّيلي عيوني

وبحب تحاكيلي جنوني

واحلم بليلة مجنوني

يولّعها دفا عينيكي...

بدّي اغفى ع ايديكي


لمّا تغفي من عشيّي وعّي هالطفل اللّي فيّي

خلّي حلمي يصير حقيقة

وشوفك حدّي كل دقيقة

وبنظرة طفلة بريئة

ما تشبع منّي عينيكي

واغفى اوعى ع ايديكي...

بعرف انّك بتحبيني ورح بتجنّي تتضمّيني

وقلبك يسهر ع دقّاتي

وعمرك يسرقلي ساعاتي

لولا رح تخلص حياتي

بدّي تخلص ع ايديكي

واغفى واوعى بعينيكي...



ليست هناك تعليقات: